atha astrīviṣayāt iti katham idam vijñāyate .

samānāyām ākṛtau yat astrīviṣayam iti āhosvit kva cit yat astrīviṣayam iti .

kim ca ataḥ .

yadi vijñāyate samānāyām ākṛtau yat astrīviṣayam iti droṇī kuṭī pātrī iti na sidhyati .

atha vijñāyate kva cit yat astrīviṣayam iti mālā balākā atra api prāpnoti .

astu kva cit yat astrīviṣayam iti .

katham mālā balākā iti .

ajādiṣu pāṭhaḥ kariṣyate .