patyuḥ sapūrvāt upasarjanasamāse upasaṅknhyānam .

patyuḥ sapūrvāt upasarjanasamāse upasaṅknhyānam kartavyam .

vṛddhapatiḥ vṛddhapatnī sthūlapatiḥ sthūlapatnī .

vacanāt bhaviṣyati .

asti vacane prayojanam .

kim .

āśāpatiḥ āsāpatnī .

siddham tu patyuḥ prātipadikaviśeṣaṇatvāt .

siddham etat .

katham .

patyuḥ prātipadikaviśeṣaṇatvāt .

na evam vijñāyate .

asti asmāt patiśabdāt pūrvaḥ saḥ ayam sapūrvaḥ .

sapūrvāt patiśabdāt anupasarjanāt iti .

katham tarhi .

asti asmin prātipadike pūrvaḥ tat idam sapūrvam .

sapūrvāt prātipadikāt patyantāt anupasarjanāt iti .