paridevane śvastanībhaviṣyantyarthe .

paridevane śvastanībhaviṣyantyāḥ arthe iti vaktavyam .

iyam nu kadā gantā yā evam pādau nidadhāti .

ayam nu kadā adhyetā yaḥ evam anabhiyuktaḥ iti .

kālaprakarṣāt tu upamānam .

kālaprakarṣāt tu upamānam .

gantā iva iyam gantā .

na iyam gamiṣyati .

adhyetā iva ayam adhyetā .

na vai tiṅantena upamānam asti .

evam tarhi anadyatane iva anadyatane iti .