kimartham kikinoḥ kittvam ucyate na asaṃyogāt liṭ kit iti eva siddham .

kikinoḥ kittvam ṝkāraguṇapratiṣedhāṛtham .

kikinoḥ kittvam kriyate ṝkāraguṇapratiṣedhāṛtham .

ayam ṝkārārāntānām liṭi guṇaḥ pratiṣedhaviṣaye ārabhyate ṛcchatyṝtrām iti .

saḥ yathā iha bhavati ātastaratuḥ atastaruḥ iti evam iha api prasajyeta mitrāvaruṇau taturiḥ dūre hi adhvā jaguriḥ iti .

saḥ punaḥ kittve bādhyate .

utsargaḥ chandasi sadādibhyaḥ darśanāt .

utsargaḥ chandasi kikinau vaktavyau .

kim prayojanam .

sadādibhyaḥ darśanāt .

sadādibhyaḥ hi kikinau dṛśyete .

sadimaniraminamivicīnām sediḥ meniḥ remiḥ .

nemiḥ cakram iva abhavat .

vivicim ratnadhātamam .

bhāṣāyām dhāñkṛsṛjaninimibhyaḥ .

bhāṣāyām dhāñkṛsṛjaninimibhyaḥ kikinau vaktavyau .

dhāñ .

dadhiḥ .

dhāñ .

kṛ .

cakriḥ .

kṛ .

sṛ .

sasriḥ .

sṛ .

jani .

jajñiḥ .

jani .

nami .

nemiḥ .

sāsahivāvahicācalipāpatīnām nipātanam .

sāsahivāvahicācalipāpatīnām nipātanam kartavyam .

vṛṣā sahamānam sāsahiḥ .

vāvahiḥ cācaliḥ pāpatiḥ .

aparaḥ āha : sahivahicalipatibhyaḥ yaṅantebhyaḥ kikinau vaktavyau .

etāni eva udāharaṇāni .