kimartham nindādibhyaḥ vuñ vidhīyate na ṇvulā eva siddham .

na hi asti viśeṣaḥ nindādibhyaḥ ṇvulaḥ vā vuñaḥ vā .

tat eva rūpam saḥ eva svaraḥ .

vuñm anekācaḥ .

vuñm anekācaḥ prayojayanti .

asūyakaḥ .

atha ye atra ekācaḥ paṭhyante teṣām grahaṇam kimartham na teṣām ṇvulā eva siddham .

na sidhyati .

ayam tacchīlādiṣu tṛn vidhīyate .

saḥ viśeṣavihitaḥ sāmānyavihitam ṇvulam bādheta .

vāsarūpanyāyena ṇvul api bhaviṣyati .

ataḥ uttaram paṭhati .

nindādibhyaḥ vuñvacanam anyebhyaḥ ṇvulaḥ pratiṣedhārtham .

nindādibhyaḥ vuñvacanam kriyate jñāpakārtham .

kim jñāpyam .

etat jñāpayati ācāryaḥ tacchīlādiṣu vāsarūpanyāyena anyebhyaḥ ṇvul na bhavati iti .

tṛjādipratiṣedhāṛtham vā .

atha vā etat jñāpayati ācāryaḥ .

tacchīlādiṣu sarve eva tṛjāsayaḥ vāsarūpeṇa na bhavanti iti .