dṛśeḥ samānānyayoḥ ca upasaṅkhyānam .

dṛśeḥ samānānyayoḥ ca upasaṅkhyānam kartavyam .

sadṛk sadṛśaḥ anyādṛk anyādṛśaḥ .

kṛdarthānupapattiḥ tu .

kṛdarthaḥ tu na upapadyate .

dṛśeḥ kartari prāpnoti .

ivārthe tu taddhitaḥ .

ivārthe ayam taddhitaḥ draṣṭavyaḥ .

saḥ iva ayam tādṛk .

anya iva ayam anyādṛk .

atha vā yuktaḥ eva atra kṛdarthaḥ .

karmakartā ayam .

tam iva imam paśyanti janāḥ .

saḥ ayam saḥ iva dṛśyamānaḥ tam iva ātmānam paśyati .

tādṛk .

anyam iva imam paśyanti janāḥ .

saḥ ayam anyaḥ iva dṛśyamānaḥ anyam iva ātmānam paśyati .

anyādṛk iti .