ḍaprakaraṇe sarvatrapannayoḥ upasaṅkhyānam .

ḍaprakaraṇe sarvatrapannayoḥ upasaṅkhyānam kartavyam .

sarvatragaḥ pannagaḥ .

urasaḥ lopaḥ ca .

urasaḥ lopaḥ ca vaktavyaḥ .

uragaḥ .

suduroḥ adhikaraṇe .

suduroḥ adhikaraṇe ḍaḥ vaktavyaḥ .

sugaḥ durgaḥ .

nisaḥ deśe .

nisaḥ deśe ḍaḥ vaktavyaḥ .

nirgaḥ .

apara āha .

ḍaprakaraṇe anyeṣu api dṛśyate .

ḍaprakaraṇe anyeṣu api dṛśyate iti vaktavyam .

tataḥ stryagāragaḥ .

aśnute yāvat annāya grāmagaḥ .

dhvaṃsate gurutalpagaḥ .