karmaṇi nirvartyamāṇavikriyamāṇe iti vaktatvyam .

iha mā bhūt .

ādityam paśyati .

hivavantam śrṇoti .

grāmam gacchati iti .

karmaṇi nirvartyamāṇavikriyamāṇe cet vedādhyāyādīnām upasaṅkhyānam .

karmaṇi nirvartyamāṇavikriyamāṇe cet vedādhyāyādīnām upasaṅkhyānam kartavyam .

vedādhyāyaḥ carcāpāraḥ śamanīpāraḥ .

yatra ca niyuktaḥ .

yatra ca niyuktaḥ tatra upasaṅkhyānam kartatvyam .

chatradhāraḥ dvārapālaḥ .

hṛgrahinīvahibhyaḥ ca .

hṛgrahinīvahibhyaḥ ca iti vaktavyam .

hṛ .

bhārahāraḥ .

grahi .

kamaṇḍalugrāhaḥ .

nī. uṣṭrapraṇāyaḥ .

vahi .

bhāravāhaḥ .

aparigaṇanam vā .

na vā arthaḥ parigaṇanena .

kasmāt na bhavati : ādityam paśyati , himavantam śrṇoti .

grāmam gacchati iti .

anabhidhānāt .

anabhidhānāt eva na bhaviṣyati .