samūhyaḥ iti anarthakam vacanam sāmānyena kṛtatvāt .

samūhyaḥ iti vacanam anarthakam .

kim kāraṇam .

sāmānyena kṛtatvāt .

sāmānyena eva ṇyat bhaviṣyati : ṛhaloḥ ṇyat iti .

vahyartham tarhi nipātanam kartavyam .

vaheḥ ṇyat yathā syāt .

vahyartham iti cet ūheḥ tadarthatvāt siddham .

ūhiḥ api vahyarthe vartate .

katham punaḥ anyaḥ nāma anyasya arthe vartate .

katham ūhiḥ vahyarthe vartate .

bahvarthāḥ api dhātavaḥ bhavanti iti .

asti punaḥ kva cit anyatra api ūhiḥ vahyarthe vartate .

asti iti āha .

ūhivigrahāt ca brāhmaṇe siddham .

ūhivigrahāt ca brāhmaṇe siddham etat .

samūhyam cinvīta paśukāmaḥ .

paśavaḥ vai purīṣam .

paśūn eva asmai tat samūhati .