yogavibhāgaḥ kartavyaḥ .

vibhāṣā iti ayam adhikāraḥ. tataḥ apaparibahirañcavaḥ pañcamyā iti .

pañcamīgrahaṇam śakyam akartum .

katham .

subantena iti vartate etaiḥ ca karmapravacanīyaiḥ yoge pañcamī vidhīyate .

tatra antareṇa api pañcamīgrahaṇam pañcamyantena eva samāsaḥ bhaviṣyati .

idam tarhi prayojanam .

bahiḥśabdena yoge pañcamī na vidhīyate .

tatra api yathā syāt iti .

bahirgrāmāt .

atha kriyamāṇe api pañcamīgrahaṇe yāvatā bahiḥśabdena yoge pañcamī na vidhīyate katham eva etat sidhyati .

pañcamīgrahaṇasāmarthyāt .