itaretarāśrayam tu bhavati .

kā itaretarāśrayatā .

sataḥ anunāsikasya sañjñayā bhavitavyam sañjñayā ca nāma anunāsikaḥ bhāvyate .

tat itaretarāśrayam bhavati .

itaretarāśrayāṇi ca kāryāṇi na prakalpante .

anunāsikasañjñāyām itaretarāśraye uktam .

siddham tu nityaśabdatvāt iti .

nityāḥ śabdāḥ .

nityeṣu śabdeṣu sataḥ anunāsikasya sañjñā kriyate .

na sañjñayā anunāsikaḥ bhāvyate .

yadi tarhi nityāḥ śabdāḥ kimartham śāstram .

kimartham śāstram iti cet nivartakatvāt siddham .

nivartakam śāstram .

katham .

āṅ asmai aviśeṣeṇa upadiṣṭaḥ ananunāsikaḥ .

tasya sarvatra ananunāsikabuddhiḥ prasaktā .

tatra anena nivṛttiḥ kriyate .

chandasi aci parataḥ āṅaḥ ananunāsikasya prasaṅge anunāsikaḥ sādhuḥ bhavati iti .